Առցանց ուսոցման ընթացքում սաները ձեռք են բերում ինքնուրույնություն, ներկայանում են որպես անհատ և միշտ գտնվում են ուսուցողական, ակտիվ, խաղային, ստեղծագործման գործունեության մեջ:
Ամեն օր երեխաները ներկայանում են նոր մտահաղացումներով, փնտրում են հետաքրքիր զբաղմունք և այն իրականացնում են ընտանիքի անդամների հետ: Հաճելի է, երբ գործունեությանը մասնակից են դառնում ոչ միայն ընտանիքի անդամներ, այլ նաև հարևաններ, բակի երեխաներ, բարեկամներ:
Թոմասի Սոֆին հանդես եկավ հետաքրքիր ընտանեկան նախագծով՝ այլընտրանքային նկարչությամբ՝ օգտագործելով ստվեր և տարբեր կենդանիների խաղալիքներ:
Հայրապետյան Սիլվին հյուրընկալվել է տատիկի տանը, որը գտնվում է Գավառ քաղաքում, սակայն դա նրան չի խանգարում իրականացնել հեռավար ուսուցում: Սիլվին այնտեղ բնակվող իր քույրիկի և եղբոր հետ իրականացնում են մարզական ջրային խաղեր և ջրային նկարչություն:
Վերմիշյաններ ընտանիքը խաղում է պահմտոցի:
Էվոյան Արփին պատմում է Հովհաննես Թումանյանի «Ճամփորդները» հեքիաթը և արտասանում «Շունը» բանաստեղծությունը:
Մկրտչյան Էլենը մայրիկի հետ խաղում է 《Ասոցացիա》 սեղանի խաղ:
Սոնա Նակաշյան 