Կրթահամալիրի տնօրենի սուրհանդակ
Անվանումը՝
«Ընտանեկան հեռավար-առցանց աշխատանքային նախագիծ»
Նախատեսված է 2-4 տարեկանների խնաքի և զարգացման խմբի սաների համար։
Մասնակիցներ՝
Հարավային դպրոց-պարտեզի սաներ, ծնողներ, տատիկ-պապիկներ։
Իրականացման տևողությունը՝
20.04.2020-24.04.2020թ.
Նպատակներ՝
Հեռավար-առցանց կրթությունը, սաների տանը մնալը, տալիս են հնարավորություն ինքնուրույն կազմակերպելու սանի առօրյան: Կարևոր է, որ սանը կարողանա պարտեզի գործունեությունը ծավալել ո՛չ միայն պարտեզում դաստիարակի հետ, այլ նաև ընտանիքում, շրջապատող միջավայրում, խաղերի միջոցով ներգրավի ծնողներին, ընտանիքի անդամներին, ընկերներին: Այդպես կծնվեն նոր մտքեր, էլ ավելի կամրապնդվի պարտեզ-ընտանիք շղթան:
Խնդիրներ՝
Ընտանիքը, շրջապատող միջավայրը դառնում են երեխաների մտքերն իրագործողն ու անմիջական մասնակիցը: Առցանաց ուսուցման ժամանակ սաները մշտապես գտնվում են ակտիվ, խաղային, դաստիարակչական, ուսուցողական գործընթացում: Երեխաները ընտանիքի անդամների հետ խաղում են հետաքրքիր խաղեր, կատարում են տարատեսակ այլընտրանքային, տեխնոլոգիական աշխատանքներ, և գործընթացը նկարահանելով՝ տեսաֆիլմերը փոխանցելու են մեզ, այնուհետև մենք կատարված աշխատանքները լուսաբանելով, կիրականացնենք հեռավար-առցանց կրթություն:
Ընթացքը՝
Հեռավար-առցանց կրթության զարգացումն ու առաջընթացն ապահովում է ծնողը: Ծնողը դառնում է գլխավոր մասնակիցը, երեխայի հետ իրականացնում է իր կողմից առաջարկված նախագծեր, դառնում է անմիջական մասնակից, տեսանկարահանում գործընթացը և ներկայացնում է մեզ տեսաֆիմի տեսքով: Ապա մենք ֆիլմը մոնտաժի օգնությամբ կարգի ենք բերում, այնուհետև լուսաբանում բլոգում, Հարավային դպրոց-պարտեզի ենթակայքում, սոցցանցում:
Միջավայր՝ տուն, բակ, շրջակա միջավայր։
- Ինքնաշեն խաղալիք
- Քանդակագործություն
- Ռոդաիրական մարզատոն
- Խոհանոց- լաբորատորիա
- Թումանյանական ընտանիք
- «Ես Կարողանում եմ»
- Ջրախաղեր
- Ընտանեկան խաղեր
- Ինքնաշեն խաղալիք
Վերցնել դատարկ տուփ, տուփի վրա շրջանաձև անցքեր բացել և փոքրիկ գնդակները փորձել անցկացնել անցքի միջով:
Բաժակները դնել կողք կողքի, մեջը ջուր լցնել և փոքրիկ գնդակը դնել առաջին բաժակի մեջ ու ուժգին փչել այնպես, որ գնդակը թռչի մյուս բաժակի մեջ, շարունակել նույնությամբ, մինչև գնդակը հասնի վերջում գտնվող բաժակին։
Քանդակագործություն
Քանդակում ենք ինչով կարող ենք և ինչի վրա կարողանում ենք (քար, կավ, պլաստիլին):
- Ռոդարիական մարզատոն
Բնակարանը վերածվում է մարզադահլիճի, իսկ եղած կահույքը (աթոռ, սեղան), ծառայում են որպես մարզական գույք
- Խոհանոց- լաբորատորիա
- Պատրաստել համեղ փքաբլիթ
Ասել բանջարեղենի և մրգերի տարբերությունը, համեմատել, կշռաչափել, համտեսել,
ինքնուրույն կտրատել, պատրաստել համեղ աղցան։
Բանջարներից և մրգերից կերպարներ ստանալ։
Թումանյանական ընտանիք
ընտանեկան հեքիաթ- ներկայացում
Հեքիաթի ընթերցում
Ռադիոբլբլան
- «Ես Կարողանում եմ»
- Առավոտյան ուրախ նախաճաշ, սպասքադրում
- ես կարողանում եմ ինքնուրույն հագնվել, լվացվել
- Ջրային խաղ-նկարչություն
- Նոր կյանք և շունչ տանք մեր հին ու միագույն հագուստներին, սեղանի սփռոցներին, վարագույրներին։
Վերցնել տարբեր գույների գուաշներ, ձեռքերը թաթախել ներկի մեջ և ձեռքը կտորի վրա դնել, սեղմել, արդյունքում կտորի վար կմնա ձեռքի հետքը, կամօգտագործել խաղաղի տերև։
- Ընտանեկան խաղեր՝
- Դոմինո, լոտո, մոնոպոլիա, շախմատ, որևէ ընտանեկան խաղ, որը դուք եք հորինել։
Նախօրոք ծնողների հետ օնլայն հարթակում քննարկվել և առաջարկվել են նախագծեր։ Ըստ առաջարկված նախագծերի էլ կազմվել է շաբաթվա աշխատանքային նախագիծը։Այնուհետև իրականացված աշխատանքները կհրապարակվեն Հարավային դպրոց-պարտեզի ենթակայքում, բլոգում, սոցցանցում։
Սոնա Նակաշյան 