Կազմելով ընտանեկան առցանց նախագիծ, շնորհիվ կրթակամալիրի ընտանեկան առցանց ուսուցման՝ սաները դառնում են ավելի ինքնուրույն, կարողանում են իրենց օրը կազմակերպել և շաբաթը հագեցնել հետաքրքիր ստեղծագործական մտքերով՝ այլընտրանքային նկարչություն, տեխնոլոգիա-խոհանոց, մարզական, ռոդարիական խաղեր:
Ընտանեկան նախագիծն իրականացնում և անմիջական մասնակից են դառնում ընտանիքի անդամները: Սաները ներկայացրեցին իրենց առօրյան, թե ինչպես են անցնում օրերը հեռավար-առցանց ուսուցման ժամանակ: Էլենն ընտանիքի անդամների և իր համար առավոտյան նախաճաշի սեղանն է պատրաստում, սպասքադրում ու մաղթում բարի ախորժակ: Թոմասի Սոֆին եղբոր և բակի երեխաների հետ մարզվում ու խաղում է բակային խաղեր: Հետո պատրաստում է բանջարեղենային աղցան, ընթացքում համտեսում է բանջարները, ինքնուրույն, հմուտ խոհարարի պես կտրատում: Ընտանեկան առցանց ուսուցման նախագծի շրջանակներում սաներն իրականացրեցին նաև «Ես կարողանում եմ», «Ընտանեկան խաղեր», «Քանդակագործություն», «Մարզական ընտանիք» և «Բակային խաղեր» նախագծերը:
Սոնա Նակաշյան 