Աշխատաժամանակ
Ճաշացանկ
- Սաների ընդունելությունը կազմակերպվում է 08.45-09.30։ Դաստիարակներից մեկը 8:45 լինում է խմբասենյակում, ջերմաչափվում է, օդափոխում խմբասենյակը և սկսում դիմավորել սաներին։
- Մուտքի մոտ տեղադրված են ախտահանիչ հեղուկներ ձեռքերի համար (ալկոգել), իսկ հագուստի համար՝ 65 կամ 70 տոկոսանոց սպիրտ ցողող տարայով։ Դաստիարակներից մեկը դիմավորում է սաներին, ջերմաչափում և տվյալները լրացնում ջերմաչափման էլմատյանում: Երեխայի բացակայության կամ ուշացման, ինչպես նաև դրանց պատճառների մասին ծնողը դաստիարակներին տեղյակ է պահում մինչև 09։30: Երեխաներին ընդունում են բակում։ Դաստիարակներից մեկը, պահպանելով հեռավորությունը, սկսում է ջերմաչափել։
- Հենց տնից-նախակրթարան ճանապարհից էլ սկսում է նրանց ուսումնական գործունեությունը: Սաներն ինքնուրույն են զգեստափոխվում: Դասավորում են աթոռները, մաքրում փոշիները, խնամում են բույսերը, ջրում և փխրեցնում են հողը:
- 9:30-10:00—Ռոդարիական ուրախ մարմնամարզությանը միանում են կոմիտասյան երգն ու պարը: Դաստիարակը սանի հետ պետք է մագլցի, վազի, թռչի բարձրությունից, չոչ անի, գլուխկոնծի տա և այլն՝ խենթություներով լինելով անմիջական մասնակիցը կրթության, լինելով սաներից մեկը, ոգևորելով, երևակայելով…:
- Սաները հաճախ իրենք են շարժումները որոշում: Երբեմն մարմնամարզության ընթացքում կենդանիներ են դառնում, շարժումային տարբեր փոքրիկ ներկայացումներ են ստացվում, երբեմն ամբողջ վարժանքը պարի է վերածվում: Խաղաստեղծ միջավայր կարող է լինել նաև մեր մարմինը: Երբ նրան ավելացնենք«լույս + ստվեր= ստվերախաղբաղադրատոմսը», կստացվի իմացումի հերթական, իսկական հրճվանք: Ինչքան ուզում ես թափահարի՛ր ոտքերդ, ձեռքերդ, մարմինդ, մազերդ, ստվերային ներկայացումներ խաղա՛, կապիկություն արա՛, սավառնի՛ր, իրական ազատությունը զգա՛…:
- 10:00-10:30— Նախաճաշ
- 11:00-12:00-Գարնանային պարտեզ
- 12:30-13:00— Ճաշ
- 15:30-16:00 —Հետճաշիկ:
- Ես կարողանում եմ… (Ես կարողանում եմ ինքնուրույն լվացվել,հագնվել,սպասքադրել և հավաքել-մաքրել): Օրվա 4 հերթապահները նախապատրաստում են նախաճաշի, ճաշի և հետճաշիկի սեղանը:
- 13:00-15:00- Քուն (Աստղափայլ օրորներ):
- 15:00-16:00— Ազատ գործունեություն, կառուցողական խաղեր, տուն ճանապարհել:
Նախակրթարանի ապրիլ օրացույց Ապրիլի 4` Սուրբ Հարության տոն Մարտի 1-ապրիլի 9` «Ձոն մայրիկի» ստուգատես- ցուցահանդես Մարտ 1-ապրիլի 30 ` «Աղայան+ Ռոդարի» ստուգատես: Ապրիլի 22-հունիսի 5՝ Հանրակրթական էկոտուր 2021. բնապահպանական նախագծերի ստուգատես բնագիտական գործունեություն
- Ցանելու ենք խմբասենյակում լոբիներ, և հետևելու ենք նրանց աճին։
- Ատամի մածուկով բնագիտական փորձ, փղի ականջներ։
Տեխնոլոգիա
- Խաղ գունավոր թղթերով- տարբեր երկրաչափական մարմիններ կկտրատենք, և մեծ թղթի վրա տրամաբանելով կամրացնենք երկրաչափական մարմինները։
- Ծննդյան գլխարկներով կպատրաստենք մեծ աշտարակ։
- Կավագործություն
- Պլաստիլինով աշխատանքներ
Խոհանոցային գործունեություն։
- Կպատրաստենք համեղ ու քաղցր բլիթներ։
- Կպատրաստենք գունավոր և վիտամիններով հարուստ գարնանային մրգերով ֆռեշ։
Այլընտրանքային նկարչություն
- Նկարելու ենք ապակիների վրա գուաշներով ու ձեռքերով։
- Նկարելու ենք ապակու վրա, ավազով և ստանալու ենք տարբեր պատկերներ։
Ռոդարիական մարզախաղեր
Ծիվ ու ծիվ, Խնոցիկներ
Ամսվա ծիսական երգեր՝
Զատկական երգերի փաթեթ «Կարկաչա» «Զարկ բոլոճիկ» «Զնկլիկ օրոճ» «Զմփիկ-զմփիկ» «Խնկի ծառը»
Հեքիաթներ՝
Բանաստեղծություններ՝
- Աղայան շարք,
- Հովհանես Թումանյանի մանկական բանաստեղծության շարք
- Խխունջ խանում
- Սագ
- Կատու
- Կռունկներ
- Փիսոն
- Արտուտիկ
29.02-02.04 Երկուշաբթի-Ջրաղացպանի օր: «Խնոցի-հարոցի» խաղը Երեքշաբթի-Խաղում են «Հիմար-իմաստունի» վիճակի արարողություն
Չորեքշաբթի- չիք-օր է: Այդ օրը հիմնովին մաքրում են խմբասենյակը, բակը, շրջապատը` աղբը չիք են անում:«Չիք-չիք» են խաղում: Յուրաքանչյուրը երկու քար է վերցնում: Դրանք քսում են իրար և ասում._Չիք-չիք, մուկը չիք,_Չիք-չիք, մոծակը չիք
Հինգշաբթի- Այդ օրը այգեպանները, վերցնելով կացինը, այգի են մտել և վատ բերք տվող ծառերի բնին կացնի բութ կողմով հարվածելով` վախեցրել. «Բերք ես տալու, տուր, թե չէ` կկտրեմ»:
Ուրբաթ- Մանկական խոհանոցում բոլորը միասին զատկական կերակուրներ են պատրաստում, Զատկի ձվերն են ներկում:
05.04.-09.04.2021
- Մայրիկատոնին ընդառաջ պատրաստելու ենք բացիկներ։
- Ռոդարիական խաղ- խաղալու ենք մարզական խաղեր, որի ընթացքում կօգտագործենք օղակներ, ծննդյան բաժակներ, և ափսեներ։
- Կնշենք՝ Կատրինի և Գոռի ծննդյան ծեսը։
- Կպատրաստենք համեղ ու գունավոր պիցցա։
- Երգուսուցում երաժշտության դաստիարակ՝ Մարիամ Մնացականյանի հետ։
- Բանաստեղծությունների ուսուցում։
12.04-16.04.2021
- Առավոտյան նախավարժանք, ինքնագլորներով մարզատոն։
- Այլընտրանքային նկարչություն-ավազանկարչություն։
- Միջավայրի խնամք, խոշորացույցով դիտարկելու ենք բողբոջած ծառերն ու ծաղիկները։
- Երգուսուցում երաժշտության դաստիարակ՝ Մարիամ Մնացականյանի հետ։
- Սովորելու ենք ազգային պարեր։
- Բանաստեղծության ուսուցում՝ Ղ. Աղայան «Սագիկ», «Ճուտիկ»,«Կատուն», «Ճվիկներ»
19.04.-23.04.2021
- Ռոդարիական մարզական խաղեր։
- Նախակրթարանի նոր ներքին բակի բացում։
- Առավոտյան բակում նախաճաշ, ինքնուրույն սպասքադրում։
- Խնամում ենք մեր ներքին բակը,, տնկում ծառ ու ծաղիկ։
- Այլընտրանքային նկարչություն։
26.04-30.04.2021
- Սաները կպատմեն եղանակներ մասին, կհաշվեն ամիսները, կթվարկեն թե որ ամսի ինչ ծեսեր ենք իրանկանացնում։
- Ազգային բակային խաղեր՝ ռեզին,պարան, յոթ քար։
- Այլընտրանքային նկարչությունով՝ բրձով։
- Առավոտյան նախավարժանք, վազք, հեծանվավարություն, ինքնագլորի շքերթ։
- Առավոտյան նախաճաշ բակում, ինքնուրույն սպասքադրում։
Սոնա Նակաշյան 