Այսօր Հարավային դպրոց-պարտեզում կայացավ ծնողական սեմինար-հավաք:
Ծնողներին ժամը 11։00-ին դիմավորեցինք բակում և սեմինարն անցկացրինք բացօթյա միջավայրում։ Սեմինարն սկսեցինք ըստ օրակարգի և պատասխանեցինք ծնողների հուզող հարցերին:
Կոմիտասյան օրերին ընդառաջ ծնողներին սովորեցրեցինք «Կոտ ու կես» և «Հինգ էծ ունեմ» երգերը: Այնուհետև սիրով և ոգևորված խնամեցինք նախակրթարանի այգին՝ մաքրեցինք չոր ճյուղերից, չորացած տերևներից, փխրեցրինք ծառի բները և այգում լցրեցինք փափուկ սևահող, որպեսզի կանաչ խոտ աճի։
Սեմինարը համարում եմ ստացված: Սեբաստացի ծնողները երջանիկ, գոհ ու շնորհակալ էին, որ իրենց փոքրիկները ապրում են են հենց այսպիսի, իրենց ձեռքով խնամված նախակրթարանում:

https://youtu.be/r_WI5bwa1zs

Հարգելի ծնողներ, շաբաթ օրը՝ սեպտեմբերի 26-ին, ժամը՝ 11:00-ին, տեղի կունենա նախակրթարանի ծնողական սեմինար-հավաքը:Վայրը` Հարավային դպրոց-պարտեզ (Ծ. Իսակովի 52/6, հեռ. 010-73-61-00)Ծրագրի ղեկավար` Շամիրամ ՊողոսյանՕրակարգում`

• Կոմիտասյան օրերին ընդառաջ` երգուսուցում
• Բակային աշխատանքներ
• Սաների հաճախումներ, բացակայություններ
• Ուսումնական վճարներ
• Պարտեզ-ընտանիք հաղորդակցում` կայքեր, բլոգներ
• Այլ հարցեր

Սեմինարը կվարեն դաստիարակներ`Սոնա Նակաշյանը,Լիլիթ Հովհաննիսյանը,երաժշտության դաստիարակ՝Մարինե ՄնացականյանԾնող-դաստիարակ համատեղ աշխատանքի արդյունքները կհրապարակվեն բլոգում, ենթակայքում։

Կոմիտասյան օրեր. «Հակաբացիլ Կոմիտաս» ՝ հակաբացիլ բացօթյա միջավայրում

Շարունակել կարդալ →

Կերակրացանկ

Շարունակել կարդալ →

https://youtu.be/dYKe2WNhh90

https://youtu.be/2w95DRs9lTc
Հարավի լանջերին Կոմիտասյան օրերին ընդառաջ, սաները երգեցին Կոմիտասյան երգեր, ծանոթացան սազ նվագային գործիքի հետ, և փորձեցին ինքնուրույն  նվագել։

Այս ամիս իր ներկայությամբ մեզ է ուրախացնում Սահակյան Հայկը, և ամեն օր մի նոր հետաքրքրությամբ է գալիս պարտեզ: Այսօր առավոտյան թռչկոտելով եկավ պարտեզ, և առանց բարև տալու, ուրախ շտապում էր իր մտքինն ասել:

-Ընկեր Սոնա, եկեք այսօր մեր զուգագուլպաները հագնենք մեր ձեռքերին, ու հեքիաթ կամ բանաստեղծություն ասենք։ Մեր մատիկներն էլ բացենք, փակենք դինոզավրի բերանի պես:

— Այո, ի՞նչու չի լինի։ Դեռ խոսքս չավարտած, արագ-արագ հանեց գուլպան ու հագավ ձեռքին, իսկ երբ ընկերներին տեսավ արդեն հագած, մի հրճվանք, մի ուրախություն ապրեց:

Արտասանեցին՝ Ա. Խնկոյան «Խոզն ու ագռավը»

Մի դարաւոր կաղնու տակ
Խոզը ագահ ու անհագ,
Այնքան կաղին զխտւեց,
Որ ցած ընկաւ ու փռւեց:
Զարթնեց քնից ու տակից
Ծառը փորեց արմատից:
— Ի՞նչ էս անում, այ անգէտ,
— Ագռաւն ասաց վերեւից:
— Խա՞ղ էս անում ծառի հետ,
Կչորանա արեւից:
— Չորանում է` չորանա,
— Ինձ ի՞նչ օգուտ` զօրանա,
Միայն կաղին ունենամ,
Ուտեմ, պառկեմ, գիրանամ:
— Այ ապերախտ կենդանի,
Ով քեզ նման վիզ ունի`
Իր կոյր աչքով չի տեսնի,
Որ կաղինը հիւթալի
Լոկ այս ծառն է ձեզ տալի,
— Ագռաւն ասաւ խոզուկին,
Էն կախ գլուխ կուզիկին:

Ղ. Աղայան «Բզեզ»

Սեպտեմբեր ամսվա աշխատանքային գործունեություն, նախագծեր և սեմինարներ:

Սաների ընդունելությունը կազմակերպվում է 08.45-09.30։ Դաստիարակներից մեկը 8:45 լինում է խմբասենյակում, ջերմաչափվում է, կրում է դիմակ, որը 3 ժամը մեկ պիտի փոխվի, ձեռնոցներ, ախտահանվում է, զգեստափոխվում, օդափոխում խմբասենյակը և սկսում դիմավորել սաներին: Մուտքի մոտ տեղադրված են ախտահանիչ հեղուկներ ձեռքերի համար (ալկոգել), իսկ հագուստի համար՝ 65 կամ 70 տոկոսանոց սպիրտ ցողող տարայով։ Դաստիարակներից մեկը դիմավորում է սաներին, ջերմաչափում և տվյալները լրացնում ջերմաչափման էլմատյանում: Երեխայի բացակայության կամ ուշացման, ինչպես նաև դրանց պատճառների մասին ծնողը դաստիարակներին տեղյակ է պահում մինչև 09։30:

Երեխաներին ընդունում են բակում։ Դաստիարակներից մեկը, պահպանելով հեռավորությունը, սկսում է ջերմաչափել,ստուգել, ախտահանել և ուղեկցում դեպի ամառային լողափ՝ գունեղ խաղային միջավայր: Ծնողի մուտքն արգելվում է:

Արտակարգ աշնանային լողավազան-լողափի խնամք
Հենց տնից-նախակրթարան ճանապարհից էլ սկսում է նրանց ուսումնական գործունեությունը: Սաներն ինքնուրույն են զգեստափոխվում: Դասավորում են աթոռները, մաքրում փոշիները, խնամում են բույսերը, ջրում և փխրեցնում են հողը: Բակում հավաքում են թափթփված աղբը, հետևում են բույսերի աճին, բացում են լողավազանի ծածկը , ջրից հանում քարերը, ցանցով հավաքում-մաքրում ջրի երեսը, հագնում լողազգեստները:

9:30-10:00—Ռոդարիական ուրախ մարմնամարզությանը միանում են կոմիտասյան երգն ու պարը: Դաստիարակը սանի հետ պետք է մագլցի, վազի, թռչի բարձրությունից, չոչ անի, գլուխկոնծի տա և այլն՝ խենթություներով լինելով անմիջական մասնակիցը կրթության, լինելով սաներից մեկը, ոգևորելով, երևակայելով…:
Սաները հաճախ իրենք են շարժումները որոշում: Երբեմն մարմնամարզության ընթացքում կենդանիներ են դառնում, շարժումային տարբեր փոքրիկ ներկայացումներ են ստացվում, երբեմն ամբողջ վարժանքը պարի է վերածվում: Խաղաստեղծ միջավայր կարող է լինել նաև մեր մարմինը: Երբ նրան ավելացնենք «լույս + ստվեր= ստվերախաղբաղադրատոմսը», կստացվի իմացումի հերթական, իսկական հրճվանք: Ինչքան ուզում ես թափահարի՛ր ոտքերդ, ձեռքերդ, մարմինդ, մազերդ, ստվերային ներկայացումներ խաղա՛, կապիկություն արա՛, սավառնի՛ր, իրական ազատությունը զգա՛…:

10:00-10:30—Նախաճաշ

11:00-12:00— Աշնանային լողափ

12:30-13:00—Ճաշ

15:30-16:00- Հետճաշիկ:

Ես կարողանում եմ… (Ես կարողանում եմ ինքնուրույն լվացվել,հագնվել,սպասքադրել և հավաքել-մաքրել): Օրվա 4 հերթապահները նախապատրաստում են նախաճաշի, ճաշի և հետճաշիկի սեղանը:

13:00-15:00- Քուն (Աստղափայլ օրորներ):

15:00-16:00— Ազատ գործունեություն, մուլտֆիլմի դիտում-վերլուծում, տուն ճանապարհել:

Բնագիտական գործունեություն՝ Ջրի գույն-համ, փորձ սոդայով և փուչիկով, տերևի շնչառություն

Տեխնոլոգիա…Աշխատանք մատիտներով, գունավոր թղթերով, պլաստիրինով,

Այլընտրանքային նկարչություն Տերևանկարչություն, թաթիկանկարչութ

Երգեր՝ « Փափուռի»,« Արև, արև, ե՛կ, ե՛կ», «Ջան, ջան, ջան աշուն է» :

Հեքիաթ-ներկայացում.Ջ.Ռոդարի՝ «Շոկոլադե ճանապարհը», Հ. Թումանյանի

Աղայանական շարք՝ «Սագիկ», «Բազեն և ծիտը», «Կռունկներ»:

Ճվիկներ`… «Կլորիկ ու թմբլիկ», «Խխունջ խանում», «Հարի, հարի խնոցի»

Ազգային խաղիկներ`… « Թռի, թռի թռցնեմ»,

Բակային խաղեր`…. Պահմտոցի, աղջիկ փախցնոցի, ցատկապարան, օղակախաղ

Լողափնյա մարզական խաղեր`… Խաղ գունավոր գնդակներով, դույլերով, սրբիչներով

Նախագծեր`

Աշնանային պարտեզ.բացօթյա խոհանոց, լողափային խաղեր

Սեպտեմբերի 1` ուսումնական տարվա, առաջին շրջանի մեկնարկը.

Սեպտեմբերի 4՝ Կրթական շքերթ-համերգ: Տոնական պլեներ բանգլադեշի կրթական պարտեզում, պուրակներում, լանջերին, քարափներին, լողափերին…

Սեպտեմբերի 14-30` մարզական ստուգատես

Սեպտեմբերի 14-30` Անկախության տոն, բարձունքների ընտանեկան նվաճում

Սեպտեմբերի 14-30` «Կոմիտասյան օրեր»:

Սեպտեմբերի 1- 30`«Նոր սեբաստացիներ »:

Սեպտեմբերի 1-30՝ «Մուտք խաղալիքներով»

Ռադիո

Սեմինար-պարապմունքներ

13:30-14:30—Սեմինար-պարապմունքներ:Երկուշաբթի և հինգշաբթի՝ բլոգավարություն:

Ծնողական առցանց ակումբ.Յուրաքանչյուր ամսվա 3 շաբաթը