Ամառային պարտեզ
Օգոստոս ամսվա անհատական աշխատաժամանակ
- Սաների ընդունելությունը կազմակերպվում է 08.45-09.30։ Դաստիարակներից մեկը 8:45 լինում է խմբասենյակում, ջերմաչափվում է, կրում է դիմակ, որը 3 ժամը մեկ պիտի փոխվի, ձեռնոցներ, ախտահանվում է, զգեստափոխվում, օդափոխում խմբասենյակը և սկսում դիմավորել սաներին: Մուտքի մոտ տեղադրված են ախտահանիչ հեղուկներ ձեռքերի համար (ալկոգել), իսկ հագուստի համար՝ 65 կամ 70 տոկոսանոց սպիրտ ցողող տարայով։ Դաստիարակներից մեկը դիմավորում է սաներին, ջերմաչափում և տվյալները լրացնում ջերմաչափման էլմատյանում: Երեխայի բացակայության կամ ուշացման, ինչպես նաև դրանց պատճառների մասին ծնողը դաստիարակներին տեղյակ է պահում մինչև 09։30: Երեխաներին ընդունում են բակում։ Դաստիարակներից մեկը, պահպանելով հեռավորությունը, սկսում է ջերմաչափել, ստուգել, ախտահանել և ուղեկցում խմբասենյակ: Ծնողի մուտքն արգելվում է:
- Հենց տնից-նախակրթարան ճանապարհից էլ սկսում է նրանց ուսումնական գործունեությունը: Սաներն ինքնուրույն են զգեստափոխվում: Դասավորում են աթոռները, մաքրում փոշիները, խնամում են բույսերը, ջրում և փխրեցնում են հողը: Բակում հավաքում են թափթփված աղբը, հետևում են բույսերի աճին:
- 9:30-10:00—Ռոդարիական ուրախ մարմնամարզությանը միանում են կոմիտասյան երգն ու պարը: Դաստիարակը սանի հետ պետք է մագլցի, վազի, թռչի բարձրությունից, չոչ անի, գլուխկոնծի տա և այլն՝ խենթություներով լինելով անմիջական մասնակիցը կրթության, լինելով սաներից մեկը, ոգևորելով, երևակայելով…:
Սաները հաճախ իրենք են շարժումները որոշում: Երբեմն մարմնամարզության ընթացքում կենդանիներ են դառնում, շարժումային տարբեր փոքրիկ ներկայացումներ են ստացվում, երբեմն ամբողջ վարժանքը պարի է վերածվում: Խաղաստեղծ միջավայր կարող է լինել նաև մեր մարմինը: Երբ նրան ավելացնենք «լույս + ստվեր= ստվերախաղբաղադրատոմսը», կստացվի իմացումի հերթական, իսկական հրճվանք: Ինչքան ուզում ես թափահարի՛ր ոտքերդ, ձեռքերդ, մարմինդ, մազերդ, ստվերային ներկայացումներ խաղա՛, կապիկություն արա՛, սավառնի՛ր, իրական ազատությունը զգա՛…:
- 10:00-10:30—Նախաճաշ
- 10:30-10:40-Զբոսանք: Ամեն օր նախաճաշից հետո պտույտ-ծանոթացում մաքուր օդում, բակում, թաղում, մոտակա տարածքներում:
- 11:00-12:00— բակային խաղեր, օրվա գործունեություն, ամառային լողափ
- 12:30-13:00—Ճաշ
- 15:30-16:00- Հետճաշիկ:
- Ես կարողանում եմ… (Ես կարողանում եմ ինքնուրույն լվացվել,հագնվել,սպասքադրել և հավաքել-մաքրել): Օրվա 4 հերթապահները նախապատրաստում են նախաճաշի, ճաշի և հետճաշիկի սեղանը:
- 13:00-15:00- Քուն (Աստղափայլ օրորներ):
- 16:00-17:00— Ազատ գործունեություն, տրամաբանական խաղեր, զրույց օրվա մասին տուն ճանապարհում:
Ջրային, լողափնա խաղեր՝
- Զարգացնում ենք զգայարանները- տարբեր տարրաների մեջ կլինեն տարբեր բաղադրիչներ, սաները կքայլեն տարրաների միջով, և զգայարանների միջոցով կգուշակեն, թե որ տարրայի մեջ ի՞նչ է լցված։
- Ջրով լի տարրայի մեջ կլցնենք փոքր խնձորներ, և առանց ձեռքի օգնության, բերանով կփորձենք հանել այն։
Բնագիտական գործունեություն՝
- Ձմերուկի սերմնացան
- Ծիածան
- Ավազե հրաբուխ
Տեխնոլոգիա`
- Ձմերուկի կեղևով ստանալու ենք տարբեր կերպարներ
- Կպատրաստենք ֆետրից մեղուներ
- Սպիտակ թղթերի աշխարհում
- Պատրատելու ենք դեղձի կուտից շրխկաններ։
Խոհանոցային գործունեություն
- Կպատրաստենք մրգային դոնդող
- Կպատրաստենք մեղվիկի տեսքով շաքարաքլորներ
- Կպատրաստենք դեղձի չիր
Այլընտրանքային նկարչություն՝
- Քիթիկանկարչություն
- Մատիկա֊ոտիկանկարչություն բակում
- Ստվերանկարչություն
Ռոդարիական մարզախաղեր`
- «Ճվիկ, ճվիկ, ճկույթիկ», «Ծիվ, ծիվ, աքլորածիվ»
- Ազգային խաղիկներ՝
- ափ բռունցք, ափ պտղունց, ծափոցիկներ, թզուկներ հսկաներ, զիլինա, թաշկինակ, ընկուզախաղեր, գոմշակռիվ, աքլորակռիվ, ձվախաղեր
- Բակային խաղեր՝ պահմտոցի, գործնագործ,յոթ քար
Ամսվա երգեր՝ «Սար, սար», «Հոպ թռի», «Փայտե ձիուկ»
Հեքիաթ-ներկայացում՝ Ջաննի Ռոդարի «Շոկոլադե ճանապարհը», «Պաղպաղակե դղյակը»
Բանաստեղծություններ՝ Աղայանական շարք, , Հովհ.Թումանայանի մանկական բանաստեղծություններ
Հանելուկներ
Բարձր սարեր կթռչես,
Սուսան սմբուլ կծծես
Ու ոտքերով թավամազ
Փոշի առած՝ տուն կգաս:
Ամբողջ օրը քուն չունի,
Լայն դաշտերում տուն չունի,
Ծաղկից ծաղիկ է թռչում,
Փեթակ ունի, բուն չունի:
2․ Ի՞նչ միջատ է ժրաջան,
Ճարտարապետ՝ աննման,
Ծաղիկից ծաղիկ թևածում՝
Աշխատում է օրնիբուն,
Ծաղկափոշին հավաքում,
Մարդուն ի՞նչ է պարգևում:
Ջրային ասիկ խաղիկներ, ծափ մեղվախաղեր՝
Կլոր պար
Կլոր պար, մեջը` ծառ,
Նստիմ հովը` կթեմ կովը,
Զմփիկ զարկեմ, ընկնիմ ծովը:
Ծափիկ-ծափիկ
Ծափիկ-ծափիկ, ծափ նաներով
Փլավ կեփենք պուտուկներով,
Գդալ չկա, շերեփ չկա,
Մենք էլ կուտենք մատիկներով:
Ծափիկ, ծափիկ, ծափլատիկ,
Չալ խնձորիկ, փշատիկ,
Ծալիկ, մալիկ, ծուռ աքլորիկ,
Ծկլակտուց, ծկլամերիկ,
Կուտ ուտի, կուտման ուտի,
Ծակ շերեփով ծիկրակ անի:
Ծ ի՜վ ու ծի՜վ
Ծի՜վ ու ծի՜վ, ծիվծիվակի՜ն,
Ձագ թռնի հետ ծիծեռնակին,
Ճյուղ բերի հետ աղունակին,
Վարդին նստի հետ սոխակին.
Ասե տաղիկ,
Կանչե խաղիկ,
Առնե ափիկ,
Զարկե ծափիկ:
Մատնախաղեր
Բութ մատն ասաց՝ գայլը եկավ:
Ցուցամատն ասց՝ որտեղից եկավ:
Միջնամատն ասաց՝ սարից եկավ:
Մատնեմատն ասաց՝ եկեք փախչենք:
Ճկույթն ասաց՝ պստլիկ եմ, ճստլիկ եմ,
Ոտիկ չունեմ, թևիկ չունեմ, ինչպե՞ս փախչեմ:
Ճկութիկն ասաց՝ սոված եմ:
Աման լիզող ցուցամատն ասաց՝ եկեք ուտենք:
Երկար, լոլոզ միջնամատն ասաց՝ ի՞նչ ուտենք:
Մատնեմատն ասաց՝ մեկը կտա:
Ճկութիկն ասաց՝ բա որ չտա:
Բութմատն ասաց՝ գողանանք, ուտենք:
-Ի՜նչ ասեցիր, ի՜նչ ասեցիր:
Վրա տվին, տուր տվեցին,
Բութմատիկին դնգստեցին,
Կարճ ու փոքր թողեցին:
ՁԻՆ ԾԱԿԵՑԻՆ, ՊԱՏԸ ՏԱՐԱՆ
Ձին ծակեցին, պատը տարան,
Տարան մի զույգ ամպե պարան,
Մի լծկան բադ,
Ածան մի կով
Մկկացող իր ձագուկով:
Տարան թուխս դրած մի մաքի:
Մուկը տարան՝ կատուն հագին:
Տարան մի պարկ սարի զեփյուռ,
Կարկուտի չիր,
Օձի փետուր:
Տարան ողջ տարվա գոմշաձուն,
Խճաքարերի սերմացուն,
Չմոռացան նույնիսկ շանը,
Տարան պոչի սև նշանը…
Նշանն էլ է՞ր պետք գողերին
Գոնե նշանը թողնեին:
Ջրային, մեղվախաղեր՝
«Զիլինա», «Թզուկներ, հսկաներ» «Կլոր պար», «Մեղուներ, ծաղիկներ»
Հունիս-օգոստոս ամիսների ծեսեր ըստ օրացույցի ՝
- Անձրևաբեր ծես
- Վարդավառի ծես
- Ծիրանածես
- Ձմերուկածես
- Լողավազանի ծես
- Մեղրաքամի ծես
- Պամպերսաչիք ծես
- Բացօթյա քուն, քնի ծես, Աստղափայլ օրորներ։
Հունիս-օգոստոս ամիսների սեմինարներ՝
- մարզական (վազք, ցատկապարան, օղակ, գնդակ),
- լող,
- քանդակ,
- առաջին բուժօգնություն,
- երաժշտաթատերական սեմինար(Վարդավառի ծեսի մշակում),
- բլոգավարություն,
- «Նռանե» պարային համույթ
- Օգոստոսի 1-ին և 30-ին դաստիարակների առցանց հավաք:
Օգոստոս ամսվա ծննդյան ծեսերը՝
Գործունեություններն ըստ օրերի՝
02.08.2021— Պատրաստելու ենք հատապտուղներով դոնդող։
03.08.2021- Բակային խաղեր- խաղալու ենք ռեզին, պարան
04.08.2021-Ջրային,մարզական խաղ- Ջրով լի տարրայի մեջ կլցնենք փոքր խնձորներ, և առանց ձեռքի օգնության, բերանով կփորձենք հանել այն։
05.08.2021- Քիթիկանկարչություն
06.08.2021-Կպատրաստենք դեղձի չիր
09.08.2021-Ձմերուկի կեղևով ստանալու ենք տարբեր կերպարներ
10.08.2021- Ծիածան բնագիտական փորձ
11.08.2021- Կպատրաստենք մեղվի փեթակ
12.08.2021 Կպատրաստենք մեղվի տեսքով շաքարմեղուներ
13.08.2021-Զարգացնում ենք զգայարանները- տարբեր տարրաների մեջ կլինեն տարբեր բաղադրիչներ, սաները կքայլեն տարրաների միջով, և զգայարանների միջոցով կգուշակեն, թե որ տարրայի մեջ ի՞նչ է լցված։
16.08.2021-Երաժշտական ուսուցում, ճվիկ-ասիկների ռադիոձայնագրություն
17.08.2021 Սպիտակ թղթերի աշխարհում, մարզական ռոդարիական խաղեր
18.08.2021- Ստվերանկարչություն, լողափնյա հրճվանք
19.08.2021 Կհամտեսենք մեղրը, կուսումնասիրենք համը, գույը, կխաղանք մեղուներ ծաղիկներ խաղը
20.08.2021- Մեղվածեսին ընդառաջ կպատրաստենք ֆետրից մեղուներ
23.08.2021-Բակային խաղեր՝ կդառնանք մեղուներ, և բզզալով կխաղանք զիլինա, թզուկներ հսկաներ խաղը։
24.08.2021Բնագիտական փորձ- կցանենք ձմերուկի կտեր և կհետևենք նրանց աճին։
25.08.2021-Պատրատելու ենք դեղձի կուտից շրխկաններ։Պատրատելու ենք դեղձի կուտից շրխկաններ։
26.08.2021-Երաժշտական ուսուցում, առավոտյան նախավարժանք, լող և ինքնուրույն սպասքադրում, նախաճաշ բակում։
27.08.2021-Կպատրաստենք դեղձի կտից շրխկաններ
30.08.2021- Երգուսուցում, Քիթիկանկարչություն
31.08.2021-Մեղվածես Հարավային դպրոց-պարտեզում
Սոնա Նակաշյան 