Հիմք ընդունելով կրթահամալիրի տնօրենի Սուրհանդակը

Անվանումը՝

«Ընտանեկան հեռավար-առցանց աշխատանքային նախագիծ»

Նախատեսված է՝ 2-4 տարեկանների խնաքի և զարգացման խմբի սաների համար։

Մասնակիցներ՝

Հարավային դպրոց-պարտեզի սաներ, ծնողներ, տատիկ-պապիկներ։

Իրականացման տևողությունը՝

27.04.2020-01.042020թ.

Նպատակ՝

Հեռավար-առցանց կրթությունը, սաների տանը մնալը, տալիս են հնարավորություն ինքնուրույն կազմակերպելու սանի առօրյան: Կարևոր է, որ սանը կարողանա պարտեզի գործունեությունը ծավալել ո՛չ միայն պարտեզում դաստիարակի հետ, այլ նաև ընտանիքում, շրջապատող միջավայրում, խաղերի միջոցով ներգրավի ծնողներին, ընտանիքի անդամներին, ընկերներին: Այդպես կծնվեն նոր մտքեր, էլ ավելի կամրապնդվի պարտեզ-ընտանիք շղթան:

Խնդիրներ՝

Ընտանիքը, շրջապատող միջավայրը դառնում են երեխաների մտքերն իրագործողն ու անմիջական մասնակիցը: Առցանաց ուսուցման ժամանակ սաները մշտապես գտնվում են ակտիվ, խաղային, դաստիարակչական, ուսուցողական գործընթացում: Երեխաները ընտանիքի անդամների հետ խաղում են հետաքրքիր խաղեր, կատարում են տարատեսակ այլընտրանքային, տեխնոլոգիական աշխատանքներ, և գործընթացը նկարահանելով՝ տեսաֆիլմերը փոխանցելու են մեզ, այնուհետև մենք կատարված աշխատանքները լուսաբանելով, կիրականացնենք հեռավար-առցանց կրթություն:

Ընթացքը՝

Հեռավար-առցանց կրթության զարգացումն ու առաջընթացն ապահովում է ծնողը: Ծնողը դառնում է գլխավոր մասնակիցը, երեխայի հետ իրականացնում է իր կողմից առաջարկված նախագծեր, դառնում է անմիջական մասնակից, տեսանկարահանում գործընթացը և ներկայացնում է մեզ տեսաֆիմի տեսքով: Ապա մենք ֆիլմը մոնտաժի օգնությամբ կարգի ենք բերում, այնուհետև լուսաբանում բլոգում, Հարավային դպրոց-պարտեզի ենթակայքում, սոցցանցում:

Միջավայր՝ տուն, շրջակա միջավայր։

Իրկանացվող աշխատանքներ՝

1. Տեխնոլոգիական աշխատանքներ
2. Սովորում ենք հաշվել
3. Ռոդարիական խաղեր
4. Կենդանիների խնամք
5. Ստեղծում ենք նոր ծաղկամաններ
6. Ռադիոբլբլաններ

1.Տեխնոլոգիական աշխատանքներ

• Վերցնել մակարոններ, գունավորել և պատրաստել վզնոց, թևնոց քույրիկի, մայրիկի և տատիկի համար։

• Վերցնել A4 ֆորմատի թուղթ, սոսնձի կամ սիլիկոնե սոսնձի օգնությամբ փակցնել թղթին, ստանալ պատկերներ և վերջում գունավորել մակարոնները, արդյունքում կստացվի գեղեցիկ այլընտրանքային նկար։
• 2. Ռոդարիական խաղեր
• Վերցնել տարբեր շշեր, դասավորել իրար դիմաց, կանգնել 2 մ. հեռավորության վրա և գնդակով հարվածել շշերին, ով ամենաշատը կարողանա հարվածել և գցել շիշը, նա էլ կհաղթի։
• 3. Կենդանիների խնամք
• Եթե ունեք տանը կամ բակում ընտանեկան կենդանի, ապա պատմեք և ներկայացրեք ձեր կենդանիներին, թե ինչպես եք կերակրում, խնամում նրանց։ Իսկ չունենալու դեպքում էլ պատմեք, թե ինչ կենդանիներ կնախընտրեիք պահել:
• 4. Սովորում ենք հաշվել
• Թիզերով հաշվել մահճակալի երկարությունը
• Հաշվել զուգագուլպաների քանակը,զուգավորել և հաշվել, ասել՝ քանի զույգ գուլպա ստացվեց։
• Հաշվել տան եղած հողաթափերը, զուգավորել, հաշվել նրանց քանակը:
• Հաշվել ոտքերով։
• 5. Ստեղծում ենք նոր ծաղկամաններ
• Վերցնել գինու, օղու դատարկ շշեր կամ սովորական բանկաներ և այն գեղեցիկ ձևավորելով՝ վերածել ծաղկամանի, որը կարող է ծառայել որպես այլընտրանքային թաղար:

• Գինու կամ օղու շիշը լվանալ, չորացնել, վրան ստանալ գունավոր ներկերով ուրվագծեր կամ կպչող թղթող ձևավոր տեսք տալ շշին և գունավորել բաց թողնված տեղերը, չորանալուց հետո հանել փակցված թղթերը։
• 6. Պատմել Հ. Թումանյանի հեքիաթները՝
• « Պոչոտ աղվեսը»,«Ծիտը», ձայնագրել կամ նկարահանել տեսաֆիլմ:
• Շաբաթվա բանաստեղծություններ

ԾԻՏԸ ԵՎ ԲԱԶԵՆ

Ծիտը ծառին ծլվըլում է.
– Ծի՜վ, ծի՜վ, ծի՜վ.
Բազեն գլխին պտըտվում է.
– Վու՜յ, վու՜յ, վու՜յ…
Ծիտը լռեց, ծիտը վախեց.
– Վա՜ջ, վա՜ջ, վա՜ջ…
Բազե, թը՜ռռ, բազե թը՜ռռ.
– Հա՜ջ, հա՜ջ, հա՜յ…
Բազեն թռավ,
Բազեն փախավ,
Ի՜նչ լավ էլավ.
– Հե՛ – հե՛ – հե՛…
Ծիտի՛կ միտիկ, պի՛ծիկ միծիկ,
Պըտպըտուրի՛կ, չըլպըտուրիկ,
Դու լա՛վ պրծար չար բազեի
Սուր ճանկերից, հա՜ – հա՜ – հա՜…

ԱՌԱՎՈՏԸ ԳՅՈւՂՈւՄ

Արեգակը դուրս է եկել
Պսպըղալով.
Շողքը հերթից ներս է ընկել
Շողշողալով.
Ծիտը ծառին կըչկըչում է
Ծըլվըլալով.
Ձորումն առուն քչքչում է
Վըշվըշալով.
Ծույլ տղայի քունն է տարել
Խռըմփալով.
Տրեխները շունն է տարել
Մըռմըռալով:

Ճվիկներ-խաղիկներ

• Ճիվո՜ւ, ճիվո՜ւ, ճնճղիկ,

Թռավ, գնաց արվու եզրիկ,

Կերավ կտիկ, խմեց ջրիկ,

Թռա՜վ, մտավ Մարոյի ծոցիկ:

• Ճի՜վ – ճի՜վ ու ճի՜վ, ճըվճըվկան,

Թռավ, գնաց Հնդստան,

Կերավ կուտիկ, խմեց ջուրիկ,

Էկավ մտավ մամու ծոցիկ:

Ասիկ

Կլորիկ ու թմբլիկ եմ,

Պստլիկ ու ճստլիկ եմ,

Քիթս պուճուր – պուճուրիկ է,

Աչուկներս սևուլիկ են,

Կա՞ ինձ նման սիրունիկը:

Չկա, չկա, չկա: